Uncategorizedಮೈಸೂರು

ರಾಜ್ಯಮಟ್ಟದ ಈಜು ಸ್ಪರ್ಧೆಯಲ್ಲಿ ಬಿಎಸ್ಆರ್ ಸಿ ಸಂಸ್ಥೆಯ ಉದಯೋನ್ಮುಖ ಪಟುಗಳು ಭಾಗಿ : ಮಹೇಶ್ ಕುಮಾರ್ ತಲ್ಲಂ

ಮೈಸೂರು,ಮೇ.30 : ನಗರದ ಮೈಸೂರು ವಿಶ್ವವಿದ್ಯಾನಿಲಯದ ಈಜು ಕೊಳದಲ್ಲಿ ಗುರುವಾರದಿಂದ ನಡೆಯಲಿರುವ ರಾಜ್ಯಮಟ್ಟದ ಜೂನಿಯರ್ ಮತ್ತು ಸಬ್ ಜೂನಿಯರ್ ಈಜು ಸ್ಪರ್ಧೆಯಲ್ಲಿ ಬೆಂಗಳೂರು ಈಜು ಸಂಶೋಧನಾ ಕೇಂದ್ರದ ಸುಮಾರು 65ಕ್ಕೂ ಹೆಚ್ಚು ಉದಯೋನ್ಮುಖ ಜೂನಿಯರ್ ಮತ್ತು ಸಬ್ ಜೂನಿಯರ್ ಈಜು ಪಟುಗಳು ಭಾಗವಹಿಸಲಿದ್ದಾರೆ ಎಂದು ಬಿಎಸ್.ಆರ್ ಸಿ ವ್ಯವಸ್ಥಾಪನ ಸಮಿತಿಯ ಕಾರ್ಯದರ್ಶಿ ಮಹೇಶ್ ಕುಮಾರ್ ತಲ್ಲಂ ತಿಳಿಸಿದರು.

ರಾಜ್ಯದಲ್ಲಿ ನಂ.1 ಈಜು ಸಂಸ್ಥೆಯೆಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಬಿ.ಎಸ್.ಆರ್.ಸಿಯು ಅಂತರಾಷ್ಟ್ರೀಯ ಗುಣಮಟ್ಟವನ್ನು ಕಾಯ್ದುಕೊಂಡಿದ್ದು, ಎ.ಪಿ.ಗಗನ್, ಉಲ್ಲಾಳ್ ಮಠ್, ಶ್ರೀಹರಿ ನಟರಾಜ್, ಶಿವಾನಿ ಕಟಾರಿಯಾ ಮುಂತಾದ ಪಟುಗಳು ರಾಷ್ಟ್ರೀಯ ಹಾಗೂ ಅಂತರಾಷ್ಟ್ರೀಯ ಈಜು ಸ್ಪರ್ಧೆಗಳಲ್ಲಿ ಭಾಗವಹಿಸಿ ಬಹುಮಾನ ಪಡೆದಿರುವರು ಎಂದು ಬುಧವಾರ ಸುದ್ದಿಗೋಷ್ಠಿಯಲ್ಲಿ ಅವರು ತಿಳಿಸಿದರು.

ದ್ರೋಣಾಚಾರ್ಯ ಪ್ರಶಸ್ತಿ ಪುರಸ್ಕೃತ ಎಸ್.ಪ್ರದೀಪ್ ಕುಮಾರ್ ಅವರನ್ನು ಸೇರಿದಂತೆ ಎ.ಸಿ.ಜಯರಾಜನ್ ಮುಂತಾದ ಖ್ಯಾತ ನಾಮರು ಬಿ.ಎಸ್.ಆರ್.ಸಿ ಯಲ್ಲಿ ಈಜುಪಟುಗಳ ತರಬೇತಿ ನೇತೃತ್ವವನ್ನು ವಹಿಸಿಕೊಂಡಿದ್ದಾರೆ.

ದೇಹದ ಸಂಪೂರ್ಣ ಆರೋಗ್ಯವೃದ್ಧಿಗೆ ಈಜು ಒಂದು ಪ್ರಮುಖ ಕ್ರೀಡೆಯಾಗಿದ್ದು, ದೇಶದಲ್ಲಿ ಕ್ರಿಕೆಟ್ ಗೆ ನೀಡಿದಂತಹ ಪ್ರಾಶಸ್ತ್ಯ ಈಜಿಗೆ ಸಿಗುತ್ತಿಲ್ಲ, ಆ ನಿಟ್ಟಿನಲ್ಲಿ ಈಜು ಕ್ರೀಡೆಯನ್ನು ಹೆಚ್ಚು ಹೆಚ್ಚು ಪ್ರಚೂರಗೊಳಿಸಲು ಬಿ.ಎಸ್.ಆರ್.ಸಿ ವತಿಯಿಂದ ಸ್ಪರ್ಧೆ ಹಾಗೂ ಅನೇಕ ಚಟುವಟಿಕೆಗಳ ಮೂಲಕ ಉತ್ತೇಜನ ನೀಡಲಾಗುತ್ತಿದೆ ಎಂದು ತಿಳಿಸಿದರು.

ಗೋಷ್ಠಿಯಲ್ಲಿ ಬಿ.ಎಸ್.ಆರ್.ಸಿ ಅಧ್ಯಕ್ಷ ಜಿ.ಎಂ.ವಿಶ್ವೇಶ್ವರಯ್ಯ, ಉಪಾಧ್ಯಕ್ಷ ಬಿ.ಅನ್ನಪೂರ್ಣ, ಸದಸ್ಯರಾದ ಶೋಭಿತಾ ರಂಗಸ್ವಾಮಿ ಇದ್ದರು. (ವರದಿ : ಕೆ.ಎಂ.ಆರ್)

Leave a Reply

comments

Related Articles

error: