ಕ್ರೀಡೆಮೈಸೂರು

ಮಹಾರಾಷ್ಟ್ರ ವಿರುದ್ಧ ನಡೆದ ರಣಜಿ ಕ್ರಿಕೆಟ್ ಪಂದ್ಯದಲ್ಲಿ ಕರ್ನಾಟಕ ತಂಡಕ್ಕೆ 7 ವಿಕೆಟ್ ಗಳ ಗೆಲುವು

ಮೈಸೂರು,ಡಿ.1:- ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಮೈದಾನದಲ್ಲಿ ಮಹಾರಾಷ್ಟ್ರ ವಿರುದ್ಧ ನಡೆದ ರಣಜಿ ಕ್ರಿಕೆಟ್ ಪಂದ್ಯದಲ್ಲಿ ಕರ್ನಾಟಕ ಮೊದಲ ಜಯ ಸಾಧಿಸಿದ್ದು, ಪ್ರವಾಸಿ ತಂಡದ ವಿರುದ್ಧ 7ವಿಕೆಟ್​ಗಳ ಗೆಲುವಿನ ನಗೆ ಬೀರಿದೆ.

ಕರ್ನಾಟಕದ ಗೆಲುವಿಗೆ ಮಹಾರಾಷ್ಟ್ರ ತಂಡ 186 ರನ್​ಗಳ ಟಾರ್ಗೆಟ್​ ನೀಡಿತ್ತು. ನಿನ್ನೆ ವಿಕೆಟ್​ ನಷ್ಟವಿಲ್ಲದೇ 54ರನ್​ಗಳಿಕೆ ಮಾಡಿತ್ತು. ಕೊನೆಯ ದಿನವಾಗಿದ್ದ ಇಂದು ಕರ್ನಾಟಕ ತಂಡಕ್ಕೆ 130 ರನ್​ಗಳ ಅವಶ್ಯಕತೆ ಇತ್ತು. ಈ ಮೊತ್ತ ಬೆನ್ನಟ್ಟಿದ್ದ ತಂಡ ಕೇವಲ ಮೂರು ವಿಕೆಟ್​ ಕಳೆದುಕೊಂಡು ಗೆಲುವು ಸಾಧಿಸಿದೆ. 2ನೇ ಇನ್ನಿಂಗ್ಸ್​​ನಲ್ಲಿ ದೇವದತ್ತ ಪಡಿಕಲ್ (77) ಡಿ.ನಿಶ್ಚಲ್(61) ಹಾಗೂ ಕೌನೆನ್ ಅಬ್ಬಾಸ್ (34) ರನ್​ಗಳಿಕೆ ಮಾಡಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದರು.

ಮೊದಲ ಇನ್ನಿಂಗ್ಸ್​​ನಲ್ಲಿ ಕರ್ನಾಟಕ ಮಾರಕ ಬೌಲಿಂಗ್​ ದಾಳಿಗೆ ತತ್ತರಿಸಿ ಕೇವಲ 113 ರನ್​ಗಳಿಗೆ ಆಲೌಟ್ ಆಗಿದ್ದ ಮಹಾರಾಷ್ಟ್ರ ತಂಡ 2ನೇ ಇನ್ನಿಂಗ್ಸ್​​ನಲ್ಲೂ 256 ರನ್​ಗೆ ಸರ್ವಪತನ ಕಂಡು, ಎದುರಾಳಿಗೆ 184 ರನ್​ಗಳ ಟಾರ್ಗೆಟ್ ನೀಡಿತು. ಇದಕ್ಕೂ ಮೊದಲು ಕರ್ನಾಟಕ ತಂಡ ಮೊದಲ ಇನ್ನಿಂಗ್ಸ್​ನಲ್ಲಿ 186 ರನ್​ಗಳಿಗೆ ಆಲೌಟ್​ ಆಗಿತ್ತು. ಕರ್ನಾಟಕದ ಪರ ಮಾರಕ ಬೌಲಿಂಗ್ ಪ್ರದರ್ಶನ ನೀಡಿದ ಶ್ರೇಯಸ್​ ಗೋಪಾಲ್​ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. 2ನೇ ಇನ್ನಿಂಗ್ಸ್​ನಲ್ಲಿ 4ವಿಕೆಟ್ ಪಡೆದುಕೊಂಡ ಗೋಪಾಲ್​, ಮೊದಲ ಇನ್ನಿಂಗ್ಸ್​​ನಲ್ಲಿ ಅಮೋಘ 40ರನ್​ಗಳಿಕೆ ಮಾಡಿದ್ದರು. ಈಗಾಗಲೇ ಕರ್ನಾಟಕ ತಂಡ ಆಡಿರುವ ಎರಡು ಪಂದ್ಯಗಳಲ್ಲಿ ಎರಡೂ ಪಂದ್ಯ ಡ್ರಾ ಸಾಧಿಸಿ ತೃಪ್ತಿ ಪಟ್ಟುಕೊಂಡಿತು.(ಕೆ.ಎಸ್,ಎಸ್.ಎಚ್)

Leave a Reply

comments

Related Articles

error: