ದೇಶವಿದೇಶ

ಗೂಗಲ್‌ನ ಶಾಪಿಂಗ್ ಟ್ಯಾಬ್ ಆರಂಭ; ಭಾರತೀಯರಿಂದ ಉತ್ತಮ ಪ್ರತಿಕ್ರಿಯೆ

ಬೆಂಗಳೂರು (ಡಿ.14): ವಿಶ್ವದ ದೈತ್ಯ ಸರ್ಜ್ ಎಂಜಿನ್‌ ಸಂಸ್ಥೆ ಗೂಗಲ್, ಭಾರತದಲ್ಲಿ ತನ್ನ ‘ಶಾಪಿಂಗ್’ ಟ್ಯಾಬ್ ಆರಂಭಿಸಿ ಸಾರ್ವಜನಿಕರಿಗೆ ಸಿಹಿಸುದ್ದಿಯೊಂದನ್ನು ನೀಡಿದೆ. ಇ ಕಾಮರ್ಸ್ ಕಂಪೆನಿಗಳು ಮತ್ತು ವ್ಯಾಪಾರಿ ವೆಬ್‌ಸೈಟ್‌ ಪ್ಲಾಟ್‌ಫಾರ್ಮ್‌ಗಳಿಗೆ ನಿರ್ದೇಶಿಸಲು ಹಾಗೂ ಗೂಗಲ್ ಬಳಕೆದಾರರಿಗೆ ಹೊಸ ಉತ್ಪನ್ನಗಳನ್ನು ಹುಡುಕಲು ಅನುವು ಮಾಡಿಕೊಡುವಂತಹ ಶಾಪಿಂಗ್ ಟ್ಯಾಬ್ ಇದಾಗಿದೆ.

ಕಿರಾಣಿ ಸ್ಟೋರ್‌ಗಳಿಂದ ಹಿಡಿದು, ಕೊನೆಯ ಕರಕುಶಲ ಮಳಿಗೆಗಳವರೆಗೆ ಬಳಕೆದಾರರು ಹುಡುಕುತ್ತಿರುವ ಉತ್ಪನ್ನಗಳನ್ನು ಕಂಡುಹಿಡಿಯಲು ಈ ಗೂಗಲ್ ‘ಶಾಪಿಂಗ್ ಟ್ಯಾಬ್’ ಸಹಾಯ ಮಾಡಲಿದೆ. ಬಳಕೆದಾರರು ತಮ್ಮ ಹುಡುಕಾಟದ ಮೇಲೆ ಹೆಚ್ಚಿನ ನಿಯಂತ್ರಣವನ್ನು ಗಳಿಸುತ್ತಾರೆ. ಉತ್ಪನ್ನದ ಹೆಚ್ಚಿನ ವಿವರಗಳನ್ನು ಇಲ್ಲಿ ಪಡೆಯಬಹುದು ಎಂದು ಮಾಹಿತಿಗಳು ತಿಳಿಸಿವೆ.

ಗೂಗಲ್ ಪರಿಚಯಿಸಲಿರುವ ಈ ನೂತನ ಶಾಪಿಂಗ್ ಟ್ಯಾಬ್‌ನಲ್ಲಿ ಬಳಕೆದಾರರು ತಮಗೆ ಬೇಕಾದ ಉತ್ಪನ್ನಗಳನ್ನು ಹುಡುಕಬಹುದಾಗಿದ್ದು, ಗ್ರಾಹಕರನ್ನು ಸಂಬಂಧಿಸಿದ ಇ-ಕಾಮರ್ಸ್ ತಾಣಗಳಿಗೆ ಈ ಟ್ಯಾಬ್‌ ಕರೆದೊಯ್ಯುಲಿದೆ. ಈ ಬಗ್ಗೆ ಮೊದಲೇ ಮಾಹಿತಿ ನೀಡಿದ್ದ ಗೂಗಲ್‌ ಕಂಪೆನಿ, ವರ್ಷಾಂತ್ಯದ ವೇಳೆಗೆ ಈ ಹೊಸ ಟ್ಯಾಬ್ ಅನ್ನು ಬಿಡುಗಡೆ ಮಾಡಿ ಗಮನಸೆಳೆದಿದೆ.

ಗ್ರಾಹಕರು ತಮಗೆ ಬೇಕಾದ ಉತ್ಪನ್ನಗಳನ್ನು ಹುಡುಕಲು ಗೂಗಲ್‌ನ ಶಾಪಿಂಗ್‌ ಟ್ಯಾಬ್ ವಿಶಿಷ್ಟವಾಗಿ ನೆರವು ನೀಡಲಿದ್ದು, ಸ್ಥಳೀಯ ವರ್ತಕರನ್ನು ಗ್ರಾಹಕರ ಜತೆ ಬೆಸೆಯುವ ಕೆಲಸವನ್ನು ಈ ಟ್ಯಾಬ್‌ ಮಾಡಲಿದೆ. ದೊಡ್ಡ ಇ-ಕಾಮರ್ಸ್ ಕಂಪೆನಿಗಳ ಹೊರತಾಗಿ, ಸಣ್ಣ ಮತ್ತು ಮಧ್ಯಮ ಆನ್‌ಲೈನ್ ಉದ್ಯಮಗಳನ್ನು ಸಹ ಮೇಲಕ್ಕೆತ್ತುವ ಗುರಿಯನ್ನು ಗೂಗಲ್ ಹಾಕಿಕೊಂಡಿರುವಂತಿದೆ.

ಈ ಸುದ್ದಿ ಮತ್ತೊಂದು ರೀತಿಯಲ್ಲಿ ವೈರಲ್ ಆಗಿದ್ದು, ಗೂಗಲ್‌ನ ಶಾಪಿಂಗ್ ಟ್ಯಾಬ್ ಎಂಬುದು ಅಂತಿಮವಾಗಿ ಇ-ಕಾಮರ್ಸ್ ಮಾರುಕಟ್ಟೆಯಲ್ಲಿ ಗೂಗಲ್ ಹೆಜ್ಜೆಯನ್ನಿಡಬಹುದು ಕೆಲವು ತಜ್ಞರು ಭಾವಿಸುತ್ತಿದ್ದಾರೆ. ಜನಪ್ರಿಯ ಇ ಕಾಮರ್ಸ್ ಜಾಲತಾಣ ಅಮೆಜಾನ್ ಬೆಳವಣಿಗೆಯನ್ನು ನೋಡುತ್ತಿರುವ ಗೂಗಲ್ ‘ಶಾಪಿಂಗ್’ ಟ್ಯಾಬ್ ಆರಂಭಿಸುವ ಉದ್ದೇಶ ಇದೂ ಕೂಡ ಆಗಿರಬಹುದು ಎಂಬ ಅಭಿಪ್ರಾಯ ವ್ಯಕ್ತಪಡಿಸಲಾಗಿದೆ. (ಎನ್.ಬಿ)

Leave a Reply

comments

Related Articles

error: