ದೇಶಪ್ರಮುಖ ಸುದ್ದಿ

ಡ್ರಗ್ಸ್ ಕೇಸ್: ನಟ ಗೌರವ್ ದೀಕ್ಷಿತ್ ಬಂಧನ

ಮುಂಬೈ,ಆ.28-ಡ್ರಗ್ಸ್ ಕೇಸ್ ನಲ್ಲಿ ಬಾಲಿವುಡ್ ಮತ್ತು ಹಿಂದಿ ಕಿರುತೆರೆಯ ನಟ ಗೌರವ್ ದೀಕ್ಷಿತ್ ನನ್ನು ಬಂಧಿಸಲಾಗಿದೆ. ದೀಕ್ಷಿತ್ ಮನೆಯಲ್ಲಿ ಅಪಾರ ಪ್ರಮಾಣದ ಮಾದಕ ದ್ರವ್ಯ (ಎಂಡಿ ಮತ್ತು ಚರಸ್) ಪತ್ತೆಯಾಗಿತ್ತು.

ದೀಕ್ಷಿತ್‌ ನನ್ನು ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್‌ಸಿಬಿ) ಬಂಧಿಸಿದೆ. ಕಳೆದ ಹಲವು ತಿಂಗಳುಗಳಿಂದ ಬಾಲಿವುಡ್ ಡ್ರಗ್ಸ್ ಪ್ರಕರಣದ ಕುರಿತು ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ ತನಿಖೆ ನಡೆಸುತ್ತಿದೆ. ವಿಚಾರಣೆ ವೇಳೆ ನಟ ಗೌರವ್ ದೀಕ್ಷಿತ್ ಹೆಸರನ್ನು ನಟ ಅಜಾಜ್ ಖಾನ್ ಬಾಯ್ಬಿಟ್ಟಿದ್ದರು. ಪರಿಣಾಮ ಗೌರವ್ ದೀಕ್ಷಿತ್ ಮೇಲೆ ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ ಕಣ್ಣಿಟ್ಟಿತ್ತು. ಖಚಿತ ಮಾಹಿತಿಯ ಮೇರೆಗೆ ಕಳೆದ ಏಪ್ರಿಲ್ ತಿಂಗಳಿನಲ್ಲಿ ಗೌರವ್ ದೀಕ್ಷಿತ್ ನಿವಾಸದ ಮೇಲೆ ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ ದಾಳಿ ನಡೆಸಿತು. ಈ ವೇಳೆ ಗೌರವ್ ದೀಕ್ಷಿತ್ ನಿವಾಸದಲ್ಲಿ ಅಪಾರ ಪ್ರಮಾಣದ ಮಾದಕ ದ್ರವ್ಯಗಳಾದ ಎಂಡಿ ಮತ್ತು ಚರಸ್ ಪತ್ತೆಯಾಗಿತ್ತು. ಆ ಸಮಯದಲ್ಲಿ ಗೌರವ್ ದೀಕ್ಷಿತ್ ಮನೆಯಲ್ಲಿರಲಿಲ್ಲ.

ಲೋಖಂಡ್‌ವಾಲಾದಲ್ಲಿರುವ ತಮ್ಮ ನಿವಾಸದ ಮೇಲೆ ಪೊಲೀಸರು ದಾಳಿ ನಡೆಸಿದ್ದಾರೆ ಎಂದು ತಿಳಿಯುತ್ತಿದ್ದಂತೆಯೇ, ನಟ ಗೌರವ್ ದೀಕ್ಷಿತ್ ನಾಪತ್ತೆಯಾದರು. ಅಂದಿನಿಂದ ಗೌರವ್ ದೀಕ್ಷಿತ್‌ಗಾಗಿ ನಾರ್ಕೋಟಿಕ್ ಕಂಟ್ರೋಲ್ ಬ್ಯೂರೋ ಹುಡುಕಾಟ ನಡೆಸುತ್ತಿತ್ತು. ಇದೀಗ ಗೌರವ್ ದೀಕ್ಷಿತ್ ಸಿಕ್ಕಿಬಿದ್ದಿದ್ದಾರೆ. ಗೌರವ್ ದೀಕ್ಷಿತ್ ಅವರನ್ನು ಕೋರ್ಟ್‌ಗೆ ಹಾಜರುಪಡಿಸಿ, ಅವರನ್ನು ಕಸ್ಟಡಿಗೆ ಪಡೆಯಲು ನಾಕೋರ್ಟಿಕ್ಸ್ ಕಂಟ್ರೋಲ್ ಬ್ಯೂರೋ ಸಿದ್ಧತೆ ನಡೆಸಿದೆ.

ಬಾಲಿವುಡ್ ಸಿನಿಮಾಗಳು, ಹಿಂದಿ ಕಿರುತೆರೆಯ ಧಾರಾವಾಹಿಗಳು ಮತ್ತು ಜಾಹೀರಾತುಗಳಲ್ಲಿ ಗೌರವ್ ದೀಕ್ಷಿತ್ ಕಾಣಿಸಿಕೊಂಡಿದ್ದಾರೆ. ‘ಹ್ಯಾಪಿ ಭಾಗ್ ಜಾಯೇಗಿ’, ‘ಹ್ಯಾಪಿ ಫಿರ್ ಭಾಗ್ ಜಾಯೇಗಿ’, ‘ದಿ ಮ್ಯಾಜಿಕ್ ಆಫ್ ಸಿನಿಮಾ’ ಮುಂತಾದ ಚಿತ್ರಗಳಲ್ಲಿ ಗೌರವ್ ದೀಕ್ಷಿತ್ ಅಭಿನಯಿಸಿದ್ದಾರೆ. ‘ಸೀತಾ ಔರ್ ಗೀತಾ’ ಧಾರಾವಾಹಿಯಲ್ಲಿ ಗೌರವ್ ದೀಕ್ಷಿತ್ ನಟಿಸಿದ್ದಾರೆ.

ಟಾಲಿವುಡ್‌ನಲ್ಲಿಯೂ ಡ್ರಗ್ಸ್ ಮಾಫಿಯಾ ಜೋರಾಗಿದ್ದು, 2017ರಿಂದಲೂ ಈ ಕುರಿತು ತನಿಖೆ ನಡೆಯುತ್ತಿದೆ. ಇದೀಗ ವಿಚಾರಣೆಗೆ ಹಾಜರ್ ಆಗುವಂತೆ ಟಾಲಿವುಡ್‌ನ 12 ಸ್ಟಾರ್ ನಟ – ನಟಿಯರಿಗೆ ಜಾರಿ ನಿರ್ದೇಶನಾಲಯ ನೋಟೀಸ್ ಜಾರಿ ಮಾಡಿದೆ.

ಖ್ಯಾತ ನಟಿ ರಕುಲ್ ಪ್ರೀತ್ ಸಿಂಗ್, ನಟ ರಾಣಾ ದಗ್ಗುಬಾಟಿ, ನಟ ರವಿತೇಜಾ, ನಟಿ ಚಾರ್ಮಿ ಕೌರ್, ನವದೀಪ್, ಮುಮೈತ್ ಖಾನ್, ತನೀಶ್ ನಂದು, ತರುಣ್, ನಿರ್ದೇಶಕ ಪುರಿ ಜಗನ್ನಾಥ್ ಸೇರಿದಂತೆ ಒಟ್ಟು 12 ಮಂದಿಗೆ ಜಾರಿ ನಿರ್ದೇಶನಾಲಯ ನೋಟೀಸ್ ಜಾರಿ ಮಾಡಿದೆ. ಆಗಸ್ಟ್ 31ರಂದು ನಿರ್ದೇಶಕ ಪುರಿ ಜಗನ್ನಾಥ್, ಸೆಪ್ಟೆಂಬರ್ 6ರಂದು ರಕುಲ್ ಪ್ರೀತ್ ಸಿಂಗ್, ಸೆಪ್ಟೆಂಬರ್ 8ರಂದು ರಾಣಾ ದಗ್ಗೂಬಾಟಿ, ಸೆಪ್ಟೆಂಬರ್ 9ರಂದು ರವಿತೇಜಾ ವಿಚಾರಣೆಗೆ ಹಾಜರ್ ಆಗುವಂತೆ ಜಾರಿ ನಿರ್ದೇಶನಾಲಯ ಸೂಚಿಸಿದೆ. (ಏಜೆನ್ಸೀಸ್, ಎಂ.ಎನ್)

Leave a Reply

comments

Related Articles

error: