ದೇಶಪ್ರಮುಖ ಸುದ್ದಿ

ಮಂಕಿ ಪಾಕ್ಸ್ ಗುರುತಿಸಲು ಆರ್‌ಟಿ-ಪಿಸಿಆರ್ ಕಿಟ್ ತಯಾರಿಸಿದ ಭಾರತೀಯ ಕಂಪನಿ : ಒಂದು ಗಂಟೆಯಲ್ಲಿ ಸೋಂಕು ಪತ್ತೆ

ದೇಶ(ನವದೆಹಲಿ),ಮೇ.28:- ಪ್ರಪಂಚದಾದ್ಯಂತ ಮಂಕಿಪಾಕ್ಸ್ ಪ್ರಕರಣಗಳು ವೇಗವಾಗಿ ಹೆಚ್ಚುತ್ತಿವೆ. ಇಲ್ಲಿಯವರೆಗೆ ಈ ರೋಗವು 20 ಕ್ಕೂ ಹೆಚ್ಚು ದೇಶಗಳಲ್ಲಿ ಹರಡಿದೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ ಇದುವರೆಗೆ ಸುಮಾರು 200 ಮಂಕಿಪಾಕ್ಸ್ ಪ್ರಕರಣಗಳು ದೃಢಪಟ್ಟಿವೆ. ಏತನ್ಮಧ್ಯೆ ಭಾರತೀಯ ಖಾಸಗಿ ಆರೋಗ್ಯ ಕಂಪನಿಯು ಮಂಕಿಪಾಕ್ಸ್ ವೈರಸ್ ಅನ್ನು ಪತ್ತೆಹಚ್ಚಲು ನೈಜ-ಸಮಯದ ಆರ್ ಟಿ ಪಿಸಿಆರ್ ಕಿಟ್ ಅನ್ನು ತಯಾರಿಸಿದ್ದಾಗಿ ಘೋಷಿಸಿದೆ.

ಭಾರತೀಯ ಖಾಸಗಿ ಆರೋಗ್ಯ ಸಾಧನ ಕಂಪನಿ ಟ್ರಿವಿಟ್ರಾನ್ ಹೆಲ್ತ್‌ಕೇರ್ ಶುಕ್ರವಾರ ಮಂಕಿಪಾಕ್ಸ್ ಅಂದರೆ ಆರ್ತೊಪಾಕ್ಸ್‌ವೈರಸ್ ವೈರಸ್ ಪತ್ತೆಗಾಗಿ ನೈಜ-ಸಮಯದ ಆರ್‌ಟಿ-ಪಿಸಿಆರ್ ಕಿಟ್ ಅನ್ನು ಅಭಿವೃದ್ಧಿಪಡಿಸುವುದಾಗಿ ಘೋಷಿಸಿದೆ. ಟ್ರಿವಿಟ್ರಾನ್ ಹೆಲ್ತ್‌ಕೇರ್ ತಮ್ಮ ಸಂಶೋಧನೆ ಮತ್ತು ಅಭಿವೃದ್ಧಿ ತಂಡವು ಮಂಕಿಪಾಕ್ಸ್ ವೈರಸ್ ಪತ್ತೆಗಾಗಿ ಆರ್‌ಟಿ-ಪಿಸಿಆರ್ ಆಧಾರಿತ ಕಿಟ್ ಅನ್ನು ಅಭಿವೃದ್ಧಿಪಡಿಸಿದೆ ಎಂದು ವರದಿ ಮಾಡಿದೆ.

ಟ್ರಿವಿಟ್ರಾನ್‌ನ ಮಂಕಿಪಾಕ್ಸ್ ರಿಯಲ್-ಟೈಮ್ ಪಿಸಿಆರ್ ಕಿಟ್ 4-ಬಣ್ಣದ ಫ್ಲೋರೊಸೆನ್ಸ್ ಆಧಾರಿತ ಕಿಟ್ ಆಗಿದೆ. ಈ ಕಿಟ್ ಒಂದೇ ಟ್ಯೂಬ್‌ ನಲ್ಲಿ ಸಿಡುಬು ಮತ್ತು ಮಂಕಿಪಾಕ್ಸ್ ಅನ್ನು ಪ್ರತ್ಯೇಕಿಸುತ್ತದೆ. ಇದು 1 ಗಂಟೆ ತೆಗೆದುಕೊಳ್ಳುತ್ತದೆ ಎಂದು ಕಂಪನಿ ಹೇಳಿದೆ. ನಾಲ್ಕು ಜೀನ್ RT-PCR ಕಿಟ್‌ ನಲ್ಲಿ, ಮೊದಲನೆಯದು ವಿಶಾಲವಾದ ಆರ್ಥೋಪಾಕ್ಸ್ ಗುಂಪಿನಲ್ಲಿ ವೈರಸ್‌ ಗಳನ್ನು ಪತ್ತೆ ಮಾಡುತ್ತದೆ, ಎರಡನೆಯ ಮತ್ತು ಮೂರನೆಯದು ಮಂಕಿಪಾಕ್ಸ್ ಮತ್ತು ಸಿಡುಬು ವೈರಸ್‌ ಗಳನ್ನು ಪ್ರತ್ಯೇಕಿಸುತ್ತದೆ.
ವಿದೇಶಗಳಲ್ಲಿ ಹೆಚ್ಚುತ್ತಿರುವ ಸೋಂಕನ್ನು ಗಮನದಲ್ಲಿಟ್ಟುಕೊಂಡು ಭಾರತವು ಸನ್ನದ್ಧವಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ (ಐಸಿಎಂಆರ್) ಅಧಿಕಾರಿಯೊಬ್ಬರು ಶುಕ್ರವಾರ ಹೇಳಿದ್ದಾರೆ. ಆದರೆ, ಭಾರತದಲ್ಲಿ ಇದುವರೆಗೆ ಮಂಕಿ ಪಾಕ್ಸ್ ನ ಯಾವುದೇ ಪ್ರಕರಣ ವರದಿಯಾಗಿಲ್ಲ. ಶುಕ್ರವಾರ 9 ಮಂಕಿಪಾಕ್ಸ್ ಪ್ರಕರಣಗಳನ್ನು ಅಮೆರಿಕ ದೃಢಪಡಿಸಿದೆ. ಯುಎಸ್ ಹೊರತಾಗಿ, ಬ್ರಿಟನ್, ಬೆಲ್ಜಿಯಂ, ಫ್ರಾನ್ಸ್, ಜರ್ಮನಿ, ಇಟಲಿ, ನೆದರ್ಲ್ಯಾಂಡ್ಸ್, ಪೋರ್ಚುಗಲ್, ಸ್ಪೇನ್, ಸ್ವೀಡನ್, ಆಸ್ಟ್ರೇಲಿಯಾ, ಕೆನಡಾ, ಆಸ್ಟ್ರಿಯಾ, ಇಸ್ರೇಲ್ ಮತ್ತು ಸ್ವಿಟ್ಜರ್ಲೆಂಡ್ ಸೇರಿದಂತೆ ಹಲವು ದೇಶಗಳಲ್ಲಿ ಮಂಕಿಪಾಕ್ಸ್ ಪ್ರಕರಣಗಳು ವರದಿಯಾಗಿವೆ. (ಏಜೆನ್ಸೀಸ್,ಎಸ್.ಎಚ್)

Leave a Reply

comments

Related Articles

error: