ಕರ್ನಾಟಕ

ತಾಲ್ಲೂಕು ಯುವ ಒಕ್ಕೂಟದ ಅಧ್ಯಕ್ಷರಾಗಿ ನವೀನ್ ದೇರಳ ಪುನರಾಯ್ಕೆ

ರಾಜ್ಯ(ಮಡಿಕೇರಿ) ಜು.2 :-ಮಡಿಕೇರಿ ತಾಲೂಕು ಯುವ ಒಕ್ಕೂಟದ ಅಧ್ಯಕ್ಷರಾಗಿ ಗಾಳಿಬೀಡುವಿನ ಗಾಳಿಬೀಡು ಯುವಕ ಸಂಘದ ನವೀನ್ ದೇರಳ ಪುನರ್ ಆಯ್ಕೆಯಾಗಿದ್ದಾರೆ.
ಕಾರ್ಯದರ್ಶಿಯಾಗಿ ಅರವತ್ತೊಕ್ಲು ಪೆರತಾ ಯುವಕ ಸಂಘದ ಬಾಳಾಡಿ ದಿಲೀಪ್ ಕುಮಾರ್, ಉಪಾಧ್ಯಕ್ಷರುಗಳಾಗಿ ಮೇಕೇರಿ ಸ್ವಾಗತ ಯುವಕ ಸಂಘದ ಟಿ.ಎ.ಕುಮಾರ್, ಮಹಿಳಾ ಉಪಾಧ್ಯಕ್ಷರಾಗಿ ಮಡಿಕೇರಿ ನೆಲಕ್ಕಿ ಯುವತಿ ಮಂಡಳಿಯ ಕೇಕಡ ಇಂದುಮತಿ, ಸಹಕಾರ್ಯದರ್ಶಿಯಾಗಿ ತಾಳತ್ತಮನೆ ನೇತಾಜಿ ಯವತಿ ಮಂಡಳಿಯ ನೇತ್ರಾವತಿ, ಖಜಾಂಚಿಯಾಗಿ ಬಲ್ಲಮಾವಟಿಯ ಭಗವತಿ ಯುವಕ ಸಂಘದ ಬಾಬಿ ಭೀಮಯ್ಯ, ಸಂಘಟನಾ ಕಾರ್ಯದರ್ಶಿಗಳಾಗಿ ಮೂರ್ನಾಡು ಕಟ್ಟೆಮಾಡುವಿನ ಗ್ರೀನ್ ಯುವಕ ಸಂಘದ ಬಿ.ಸಿ.ಧ್ರುವ, ನಾಪೋಕ್ಲು ಹೋಬಳಿಗೆ ಹೊದ್ದುಮಾನಿ ಭಗವತಿ ಯುವತಿ ಮಂಡಳಿಯ ಎಂ.ಟಿ.ಕೋಗಿಲೆ, ಭಾಗಮಂಡಲ ಹೋಬಳಿಗೆ ಆವಂದೂರು ಗೋಪಾಲಕೃಷ್ಣ ಯುವಕ ಸಂಘದ ಬಿ.ಸಿ.ಶರತ್ ಕುಮಾರ್, ಮಡಿಕೇರಿ ಹೋಬಳಿಗೆ ಗಾಳಿಬೀಡು ಸ್ನೇಹಿತರ ಯುವಕ ಸಂಘದ ಕೆ.ಎ.ಮೋಹನ್, ಸಂಪಾಜೆ ಹೋಬಳಿಗೆ ತಾಳತ್ತ್‍ಮನೆಯ ನೇತಾಜಿ ಯುವಕ ಸಂಘದ ಕೆ.ಕೆ.ಗಣೇಶ್, ಕಾರ್ಯಕಾರಿ ಸದಸ್ಯರುಗಳಾಗಿ ಬಿಳಿಗೇರಿ ಭಗವತಿ ಯುವಕ ಸಂಘದ ಮಂಡುವಂಡ ಜೋಯಪ್ಪ, ಹಾಕತ್ತೂರು ತೊಂಭತ್ತುಮನೆ ತ್ರಿನೇತ್ರ ಯುವಕ ಸಂಘದ ಪಿ.ಪಿ.ಸುಕುಮಾರ್, ಹೊದ್ದೂರು ಶ್ರೀಪ್ರಸನ್ನ ಗಣಪತಿ ಯುವಕ ಸಂಘದ ಕೂತಂಡ ಸಾಬು ಸುಬ್ರಮಣಿ, ನೀರುಕೊಲ್ಲಿ ಮಹಾತ್ಮ ಯುವಕ ಸಂಘದ ರಮೇಶ್ ಆಚಾರ್ಯ, ಕುಂಬಳದಾಳು ನವಚೇತನ ಯುವಕ ಸಂಘದ ನಿಖಿಲ್ ಬೆಳ್ಯಪ್ಪ ಆಯ್ಕೆಯಾಗಿದ್ದಾರೆ.
ನಗರದ ಹೊಟೇಲ್ ಸಮುದ್ರ ಸಭಾಂಗಣದಲ್ಲಿ ಮಡಿಕೇರಿ ತಾಲೂಕು ಯುವ ಒಕ್ಕೂಟದ ಅಧ್ಯಕ್ಷರಾದ ನವೀನ್ ದೇರಳ ಅವರ ಅಧ್ಯಕ್ಷತೆಯಲ್ಲಿ ನಡೆದ 22ನೇ ವಾರ್ಷಿಕ ಮಹಾಸಭೆಯಲ್ಲಿ ನೂತನ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಯಿತು. ಕೊಡಗು ಜಿಲ್ಲಾ ಯುವ ಒಕ್ಕೂಟದ ಅಧ್ಯಕ್ಷರಾದ ಯಂ.ಬಿ.ಜೋಯಪ್ಪ ಹಾಗೂ ಸ್ಥಾಪಕಾಧ್ಯಕ್ಷರಾದ ಗಿರೀಶ್ ತಾಳತ್ತಮನೆ ಚುನಾವಣಾ ಪ್ರಕ್ರಿಯೆ ನಡೆಸಿಕೊಟ್ಟರು. ಮಹಾಸಭೆಯ ನಡಾವಳಿಯನ್ನು ಸಾಬು ಸುಬ್ರಮಣಿ, ವಾರ್ಷಿಕ ಲೆಕ್ಕ ಪತ್ರಗಳ ಮಂಡನೆಯನ್ನು ನವೀನ್ ದೇರಳ, ಯುವ ಸಂಘಗಳ ಪಟ್ಟಿಯನ್ನು ಮೋಹನ್ ಹಾಗೂ ಕಾರ್ಯಕಾರಣಿ ಸಮಿತಿ ಹಾಜರಾತಿಯನ್ನು ನೇತ್ರವಾತಿ ಓದಿದರು. ಉಪಾಧ್ಯಕ್ಷರಾದ ಟಿ.ಎ.ಕುಮಾರ್ ಸ್ವಾಗತಿಸಿ, ಇಂದುಮತಿ ಪ್ರಾರ್ಥಿಸಿದರು, ಕೆ.ಕೆ.ಗಣೇಶ್ ವಂದಿಸಿದರು. (ಕೆಸಿಐ,ಎಸ್.ಎಚ್)

Leave a Reply

comments

Related Articles

error: